Es gibt in Wien eine Vielzahl an verschiedenen Typen und jene, denen man das typisch Wienerische nachsagt. Und dann gibt es da noch ganz besondere Exemplare, die – wie man in Wien sagen würde – einem jed`n zeitweis ziemli` am Årsch gengan!

Da Grantscher^bm

Er is giftig zu seinen Mitmenschn, streit` ständig mit da Famülię und findt des Lebn eigentlich zum schbei<sup>b</sup>m. Und ålle san dęppert, de Politika sowieso, wei`s ålle Saubeidln san. Und überhaupt geht ois långsam in Årsch. Und damit ålle Weaner wås vom Grantscher^bm håm, fäut er ålle ån, die æm z`nåh kumman. 

Da Gschaftlhuawa

Er glaubt, er is a recht a g`scheide Person und was fräuli imma ållas bessa. Goschert is er und schdeigt im Büro umanånda wia a Storch. Außerdem is er schdoids drauf, dass er sich zum Dęppen hackelt und måcht an muads Bahöll drum. 

Es  Vaserl

A Vaserl is aner, der wås si auffia^rt, ois warad er aus Zucka. Wåns drauß`n nieselt, schreit er glei: “Hüfe, då wer` ma si glei vaküh^ln. Ruafts an Oarzt!” Er håt vor ållem Ångst, wås a bissl g`fährlich oda neich is. Und wånn æm aner dęppert kummt, wehrt er si ned, davor håt er nämlich ebenfǫis vü zvü Ångst.

De fade Nock`n

Sie is gern z`haus, und håt außer fernschau`n und fress`n ka Stecknbfęad. Hin und wieda redt`s übers Weda oder ihr Kotz. Freind, furtgehn, Reisn oda Schboat  is ois zach, wei so ånstrengend. Ihr Le^bm is so fad, drum is ǫiwäu am suda^rn, ändern mogs ah nix drån. A fade Nockn hoit!

Da Schickimicki

Er rennt imma mit da Anser-Panier umanånda. Sei Oide trågt Gucci und geht jede Wochn zum Hǫaschneider. Und sogår de Gschroppn werdn ausseputzt wia a Christbam. Im Beisl trifft ma so an ned, der geht liaba in a Nobel-Bar oda am Opernball. Weu: Ma will jå ållen dsagn, dass a Koih^ln då is. 

* Dieser Text wurden von mir in Lautschrift gemäß dem Wörterbuch der Wiener Mundart verfasst.

Gwölnnåchweis: Wörterbuch der Wiener Mundart; Maria Hornung und Sigmar Grüner, 2. Auflage 2020 [ISBN 3-209-03474-5];